Bungwe la NAP liyamikira Chakwera kamba kosankha wampando wa bungwe la MEC mwamsanga

Mgwirizano wa ma Bungwe omwe umamenyera ma ufulu osiyanasiyana mdziko muno la National Advocacy Platforms (NAP) layamikira mtsogoleri wa dziko lino a Dr Lazarus McCarthy Chakwera kamba kochita machawi posankha wapampando wa bungwe loona zamasankho la Malawi Electoral Commission (MEC).

Malingana ndi chikalata chomwe bungweli latulutsa chomwe wasainira ndi mkulu wabungweli a Benedicto Kondowe , anenetsa kuti izi zimalimbikitsa ulamuliro wabwino.

A Kondowe afunira mafuno abwino a Annabel Mtalimanja patchito yawo yomwe apatsidwayi komanso iwo afuniranso ma komishonala onse omwe asankhidwa.

A Kondowe ayamikira wapampando wakale a Chifundo Kachale kamba kogwira ntchito yawo modzipereka ndinso motsata malamulo.

Malingana ndi chikalata chomwe bungwe Malawi Electoral Commission (MEC) latulutsa, a Chakwera asankhaso abusa a Phillip Kambulire kukhala komishonala wa bungweli malingana ndi gawo 75 la malamulo adziko lino.

Ena omwe asankhidwa ndi a Dr. Limbikani Kamlongera , Richard Chapweteka ,
Dr Emmanuel Fabiano, Francis Lazalo Kasaila ndi Caroline Mfune.