Chigulu chawanthu chilandila Chakwera ku Blantyre

Mzinda wa Blantyre unagwedezeka kuti gwede lero pamene mtsogoleri wa dziko lino Dr Lazarus McCarthy Chakwera amalowa mu mzindawu pa ulendo wawo ochokera ku Lilongwe.

A Chakwera afika lero mu Blantyre kudzela ku bwalo lija la ndege la Chileka.

M’mawu ake wapampando wa chipani cha Malawi Congress a Peter Simbi anayamikila a Chakwera kamba ka ulendowu.

A Simbi anati bwanawa azibwerabwera ku ku mmzindawu kuti azitha kumazionela okha mavuto ena amene anthu amakumana nawo pa umoyo wawo watsiku ndi tsiku.

Naye mkulu okopa anthu m’chipanichi a Moses Kunkuyu anayamika a Chakwera kamba ka ulendo umenewu.
Achakwera akhala kummwera kuti agwire ntchito zingapo muchigawochi.
Mwazina iwo akakhala mlendo olemekezeka pa mwambo okumbukila malemu Mbusa John Chilembwe.