Mlendo olemekezeka kwambiri nduna yaikulu ya dziko la Iceland a Bjarni Benediktsson abwerera kumudzi kwawo

Nduna yaikulu ya dziko la Iceland a Bjarni Benediktsson abwerera kumudzi kwawo ku Iceland dzulo atamaliza ulendo wawo wa masiku asanu.

A Benediktsson adafika mdziko muno pa 19 May, 2024, kudzera pa bwalo za ndege pa Kamuzu International Airport (KIA).

Ali mdziko muno , a Benediktsson adakayendera zitukuko zosiyana siyana zomwe dziko lawo likuthandiza ku Mangochi.

Komanso a Benediktsson ali mdziko muno adachitanso zokambira zapadela zokhudza ubale wa maiko awiriwa ndi mtsogoleri wadziko lino a Dr Lazarus McCarthy Chakwera kunyumba ya boma ya Kamuzu Palace.

Wachiwiri kwa mtsogoleri wadziko lino a Saulos Klaus Chilima yemwe adaperekeza mlendo olemekezeka kwambiriyu pa Kamuzu International Airport.

Koma asadanyamuke a Benediktsson ndi a Chakwera adapangitsa msonkhano wa atolankhani.

Ali kumeneko , a Benediktsson alonjeza kupitiliza kuthandiza dziko la Malawi. Komwekonso, a Chakwera adati ndi okondwa kuti zolinga za ulendowu zakwanilitsidwa.

A Chakwera adati anawaitana a Benediktsson kuti akawathokoze okha pantchito yaikulu yomwe Iceland akugwira mdziko muno.

Iwo adati anamuitananso Benediktsson ndi cholinga choti azadzionere yekha m’mene ndalama zawo zikugwirira ntchito.